Xulalka Ilaa Iyo Haatan U Soo Baxay Koobka Qaramada Yurub Ee Euro 2020

Xulka Ruushka ayaa ah xulkii seddexaad ee xaqiijista inay u soo baxeen koobka Qaramada Yurub ee Euro 2020 ka dib markii 5-0 ku xasuuqeen xulka Cyprus oo 10 ciyaaryahan ku ciyaarayay inta badan.

Russia ayaa kaalinta labaad ee Group I  ku soo baxday iyagoo ka danbeeya xulka kale ee isna xaqiijistay soo bixitaankiisa Euro 2020 ee Belgium kuwaasoo iyagana  2-0 uga badiyay Kazakhstan iyadoo ay labada gool u kala dhaliyeen Michy Batshuayi iyo Thomas MeunieXulka seddexaad ee ilaa iyo haatan xaqiijistay u soo bixitaanka Euro 2020 waa xulka Talyaaniga ka dib guushii ay  ka gaareen xulka Greece oo ay 2-0 uga badiyeen.

Russia markii 12aad ayay ka soo muuqan doontaa tartanka Qaramada Yurub halka xulka Talyaaniga ay markii 10aad ay ka qeyb qaadan doonaan tartanka iyadoo Belgium ay u noqoneyso markii lixaad.

Kulamada kale ee isreebreebka Euro 2020 ee la ciyaaray Netherlands ayaa 2-1 kaga badiyay xulka Belarus kulan ka tirsan Group C waxaa labada gool xulka Holland u dhaliyay xiddiga Liverpool GeorginioWijnaldum.

Germany oo Group C ku jira ayaa iyadana caawa la ciyaareysa xulka Estonia, iyadoo Group-ka ay haatan 15 dhibcood ku hogaamineyso xulka Netherlands halka Germany ay leedahay 12 dhibcood si la mid ah North Ireland inkastoo Germany uu kulanka caawa u harsan tahay.